Saturday, February 11, 2017

കണ്ണൂരിനെന്തു പറ്റി !




കണ്ണൂരിനു,കണ്ണില്ലേയെന്തു പറ്റി
കലിതുള്ളും  ജനങ്ങളെ നോക്കിക്കാണാൻ?
മണത്തുനോക്കീടുവാൻ,മൂക്കുമില്ലേ 
മണ്ണിലൂടൊഴുകും  ചെഞ്ചോരപ്പുഴ?

ഉയിരങ്ങുപോയപോൽ   തോന്നീടുന്നു
ഊരിൻറ്റെ പേരും  കളങ്കിതമായ്.
കണ്ണൂർജനതേ, മനം തുറക്കൂ 
എല്ലാ  നിണത്തിനും വർണമൊന്നല്ലേ?

തലകൾക്കു പകരം തലകളല്ലോ
 കരങ്ങൾക്കു പകരം  കരങ്ങൾതന്നേ
കാരുണ്യഹീനരായ് കഷണമാക്കി 
കലിതുള്ളിപ്പക കാട്ടും നാട്യം കണ്ടോ?

നേതൃത്വം നൽകുന്ന  ആശയത്താൽ 
കൂട്ടവധങ്ങൾ നടത്തീടുന്നു 
 എടുത്തു ചാടുന്നു അണികൾപാവം 
 വന്നീടും വാസം  അഴികൾക്കുള്ളിൽ.

“അല്ലവർ ബന്ധുവോ  മകനോ മകളോ ,
എന്തിനു  ഞാൻ  പിന്നെ  ദയ  കാട്ടേണം ?”
എന്നുള്ള  ചിന്തയാൽ  അഹങ്കരിച്ച് 
 നേതാക്കൾ  അധികാരം ഉയർത്തീടുന്നു.

പൂഴിതൻ  മാറിൽ   ചലനമറ്റ്,
 ചേതനാരഹിതനായ്  സ്വന്തം  രക്തം
  കിടക്കുന്നുണ്ടവിടെനാഥനെപ്പോൽ.
 അളക്കാവതാണോ മാതാവിൻ  നഷ്ടം ?

അച്ഛൻറ്റെ താങ്ങിതാ വീണു പോകുന്നു,
അമ്മയുടെ തണലും മാഞ്ഞുപോകുന്നു .
നൊമ്പരം അവരുടെ കണ്ണുനീരായ്,
കവിളുകളിൽ  ചാലുകൾ തീർത്തീടുന്നു.

കാരുണ്യമെന്ന മാനുഷ ഭാവം,
 മരവിച്ചുപോയോ  എന്നേയ്ക്കുമായി ?
ശോണനിറമാം  നിണ കണങ്ങൾ
 ചുവപ്പു ചാലിയ്ക്കുന്നു   ചുറ്റിലെങ്ങും.

പറവകൾ പോലും  ആശങ്ക  കാട്ടി,
കൂടുകൾ  തേടി  പറന്നു  പോയി.
പ്രകൃതിതൻ ഭാവവും  മങ്ങൽ കാട്ടി ,
ദുഃഖഭാരത്താൽ  വദനം  വിങ്ങി

.ഹൃദയത്തെ  ഭേദിയ്ക്കും  കാഴ്ച  കാണാൻ
സൂര്യഭഗവാനും  ധൈര്യമില്ലാ.
 യാത്രയായ് പശ്ചിമദിക്കിലേയ്ക്ക്   
സമുദ്രത്തിൻ പിറകിൽ മറഞ്ഞിടുന്നു.
                        
റീത്തുകൾ  വെയ്ക്കുന്നു  കൈകൾകൂപ്പീടുന്നു 
 കണ്ണുനീർ വാർക്കുന്നു മുതലക്കണ്ണീർ .
നാടകമല്ലേ ഈ കാട്ടലെല്ലാം!
മനസ്സുകൾ മുതിരുമോ, വധം തടയാൻ?





4 comments:

  1. not just in Kannur it s the same story all over..it just reflects the world order..

    ReplyDelete
    Replies
    1. Yes, but the density is more in Kannur.Thank you,deep.

      Delete
  2. waiting for english translation

    ReplyDelete
  3. I'll be doing it.Gone a bit busy on households now a days.Thank you for the visit.

    ReplyDelete